Chacarra efstur í Delí og Gunnlaugur Árni byrjar í Mississippi

Eugenio Chacarra lauk öðrum hring í Delí í morgun og er á tíu höggum undir pari, höggi á undan Scott Jamieson. Patrick Reed, efsti maður Race to Dubai-stigalistans, er á pari og á niðurskurðarlínunni.

Gunnlaugur Árni Sveinsson hefur leik á Fallen Oak Collegiate Invitational í Mississippi kl. 14:50 að íslenskum tíma, af 1. teig. Perla Sól Sigurbrandsdóttir, sem er jöfn í 61. sæti, hefur annan hring Tar Heel Invitational í Chapel Hill kl. 13:15 af 10. teig. Rástímar allra íslensku kylfinganna í vikunni eru á síðu afrekskylfinga.

• Hye-Jin Choi var á tíu höggum undir pari eftir tólf holur á þriðja hring Buick LPGA Shanghai í morgun, þremur höggum á undan Ruoning Yin frá Kína.
• Golfklúbbur Þorlákshafnar ræður fjóra þjálfara og ætlar að halda úti barna- og unglingastarfi allt árið.