Grafarholtsvelli lokað fyrir veturinn á laugardag

Á Korpúlfsstaðavelli verða Sjórinn og Landið opin áfram á meðan veður og ástand vallarins leyfa, en Ánni var lokað 12. október. Vipp- og púttsvæðið í Skeifunni á Korpu er líka opið enn um sinn. Nýju púttflötinni þar hefur verið lokað og sömuleiðis öllum salernum á báðum völlunum. Grafarkotsvöllur og vipp- og púttsvæðið við Bása eru þegar lokuð fyrir veturinn.

Í tilkynningu klúbbsins segir að þegar frystir á nóttunni megi búast við lokunum með stuttum fyrirvara. Lokanir séu tilkynntar í GolfBox og bókaðir rástímar geti fallið niður. Básar eru komnir á vetrartíma og Thorsvöllur er opinn allt árið.