Gunnlaugur Árni á 80 höggum í fyrsta móti sínu eftir meiðslin

Hann fékk þrjá skramba, á 4., 9. og 18. holu, og fimm skolla, þar af þrjá í röð á 10.–12. holu. Fugla fékk hann á 1., 5. og 14. holu. Gunnlaugur Árni er jafn í 79. sæti af 84 keppendum en margir eiga enn eftir að ljúka fyrsta hring.

Á sama velli í Saucier í Mississippi lék hann fyrsta hringinn í fyrra á 66 höggum. Í haust missti hann af þremur fyrstu mótum LSU vegna meiðsla.

Eduardo Matarazzo úr Ole Miss er efstur á fimm höggum undir pari eftir tólf holur. Annar hringur verður leikinn á sunnudag og sá þriðji á mánudag.