Hamish Brown vann Hangzhou Open þrátt fyrir þrípútt á lokaholunni

Daninn Hamish Brown átti þrjú högg til góða þegar hann kom á 18. teig á Hangzhou West Lake-vellinum í Kína í morgun. Hann þrípúttaði af tæplega tveggja metra færi, fékk skramba og vann samt á 21 höggi undir pari, höggi á undan landa sínum Kristian Hjort Bressum. „Ég veit ekki hve margir hafa reynt að þrípútta af tveggja metra færi til að vinna, en ég reyndi það í dag,“ sagði Brown við vef mótaraðarinnar.

Þetta er þriðji sigur hans á mótaröðinni og sá fyrsti þar sem hann hafði forystu fyrir lokahringinn. Lokamótið fer fram á Club de Golf Alcanada 29. október–1. nóvember. Þar keppa 45 efstu kylfingar stigalista Road to Mallorca og 15 efstu eftir mótið fá keppnisrétt á DP World Tour.