Chiara Tamburlini heldur forystunni á Indian Open

Tamburlini lék á 71 höggi og er á sex undir pari. Hún hóf leik á 10. holu og fékk þar fugl. Síðan lék hún 15 holur í röð á pari en sló í vatn á 8. holu, sem er par 5, og fékk skolla. Höggið vann hún aftur með fugli á 9. holu, síðustu holu dagsins. „Þetta var talsvert meira stressandi en í gær,“ sagði Tamburlini, sem var efst eftir fyrsta hring.

Urs, sem keppir á heimavelli, lék á 70 höggum þótt hún væri lasin. Þær Tamburlini verða saman í ráshópi á laugardag. Camille Chevalier frá Frakklandi fékk örn á 18. holu þegar hún sló beint í holu og er jöfn tveimur öðrum í 4. sæti á þremur undir pari.

Niðurskurðurinn miðast við níu högg yfir pari og Alexandra Swayne frá Bandarísku Jómfrúaeyjum er á mörkunum með eina holu óleikna. Leik var hætt vegna myrkurs og hún lýkur hringnum á laugardagsmorgun.