Dagbjartur fékk fjóra skolla á síðustu sjö holunum í Álaborg

Á seinni níu holunum í Álaborg fékk Dagbjartur skolla á 12. holu, fugl á 13. og skolla á 14., 15. og 18. holu. Hann lék lokahringinn á 72 höggum.

Jerry Ji frá Hollandi lék báða síðustu hringina á 64 höggum og vann á 15 höggum undir pari, fjórum höggum á undan Svíanum David Lundgren, sem endaði efstur á stigalistanum. Fimm efstu menn stigalistans fá keppnisrétt á HotelPlanner-mótaröðinni 2027. Martin Leth Simonsen úr Aalborg Golf Klub hélt 5. sæti stigalistans, 4.329 stigum á undan Norðmanninum Sebastian Eidsæther Syr, sem varð jafn Dagbjarti í 12. sæti mótsins.

Hlynur Bergsson lék 3. holuna, sem er par 5, á níu höggum á lokahringnum en síðustu fimmtán holurnar á þremur höggum undir pari. Hann varð jafn í 20. sæti á tveimur höggum yfir pari og lauk tímabilinu í 29. sæti stigalistans.

Dagbjartur keppir næst á 2. stigi úrtökumóts DP World Tour á Spáni 29. október til 1. nóvember.