Dagbjartur jafn í 6. sæti á Gotlandi

Dagbjartur Sigurbrandsson úr GR lék lokahringinn á Visby Golfklubb á 72 höggum, pari vallarins, og endaði jafn í 6. sæti á samtals fjórum undir pari. Hringirnir þrír voru 71, 69 og 72 högg.

Hann fékk örn á 6. holu og var á einu undir pari eftir fyrri níu holurnar. Skramb á 11. holu og skolli á þeirri 16. komu í veg fyrir að hann blandaði sér í baráttuna um efstu sætin. Sandborg vann á 11 höggum undir pari eftir lokahring á 67 höggum, tveimur höggum á undan landa sínum David Nyfjäll.

Hlynur Bergsson úr GKG lék einnig lokahringinn á 72 höggum og varð jafn í 27. sæti á tveimur yfir pari.

Mótið var það síðasta í sænska hluta Nordic Golf League í ár. Næst á dagskrá hjá Dagbjarti er annað stig úrtökumótanna fyrir DP World Tour, sem fer fram á Spáni dagana 29. október – 1. nóvember.