GKG komið í vetrarham eftir fyrsta næturfrostið

Vellir Golfklúbbs Kópavogs og Garðabæjar voru lokaðir að minnsta kosti fram að hádegi á þriðjudag vegna frosts, og samkvæmt Facebook-síðu klúbbsins er nú komið að vetrarhamnum. Vatnið hefur verið tekið af vökvunarkerfinu og því lokast salernið við 15. teig, en salernið við 12. teig verður áfram opið.

Mulligan og verslunin færa sig á neðri hæð skálans og þar verður full vetrarþjónusta frá og með föstudegi. Þegar loka þarf völlunum má búast við að neðri hluti Leirdals loki fyrst, því frostpollur myndast neðst í dalnum.

Golfklúbbur Reykjavíkur hélt völlum sínum lokuðum allan þriðjudaginn af sömu ástæðu, en Thorsvöllur var opinn.