Ruoning Yin vann í Sjanghæ og Chacarra fimm höggum á undan í Delí

Ruoning Yin vann Buick LPGA Shanghai á ellefu höggum undir pari. Hún og Hye-Jin Choi voru jafnar þegar þrjár holur voru eftir, en Yin fékk fugla á 16. og 17. holu og vann með einu höggi.

Eugenio Chacarra lauk þriðja hringnum á DP World India Championship í morgun og var þá samtals á 19 höggum undir pari, fimm höggum á undan Daniel Hillier fyrir lokahringinn í Delí. Patrick Reed leiðir stigakeppni Race to Dubai en var fjórtán höggum á eftir Chacarra fyrir lokahringinn.

• Perla Sól Sigurbrandsdóttir er jöfn í 46. sæti á níu yfir pari á Tar Heel Invitational í Chapel Hill og hefur lokahringinn kl. 13:07 að íslenskum tíma.
• Gunnlaugur Árni Sveinsson leikur annan hringinn á Fallen Oak Collegiate Invitational í Mississippi í dag. Hann er jafn í 75. sæti á átta yfir pari.
• Hulda Clara Gestsdóttir, Ragnhildur Kristinsdóttir og Andrea Bergsdóttir eru allar skráðar til leiks á Super Bock Ladies Open á LET Access-mótaröðinni. Mótið hefst í Vidago í Portúgal á þriðjudag.