Hulda Clara á teig í Vidago og Veigar jafn í 7. sæti í Tennessee

Hulda Clara Gestsdóttir fer fyrst Íslendinganna af stað á Super Bock Ladies Open í Vidago í Norður-Portúgal kl. 9:03 að íslenskum tíma. Andrea Bergsdóttir og Ragnhildur Kristinsdóttir hefja leik kl. 9:14, Andrea af 1. teig og Ragnhildur af 10. teig. Mótið er hið fyrsta af þremur síðustu mótum ársins á LET Access-mótaröðinni. Hulda Clara er í 9. sæti stigalistans en sjö efstu fá keppnisrétt á LET-mótaröðinni 2027.

• Veigar Heiðarsson og Heiða Rakel Rafnsdóttir eru bæði í 7. sæti eftir fyrsta hring á háskólamótum í Tennessee og Pennsylvaníu. Fjórir aðrir íslenskir háskólakylfingar ljúka keppni í dag.
• Golfklúbbur Þorlákshafnar vill færa reikningsárið og ákveða árgjöld 2027 á framhaldsfundi 24. nóvember.
• Á fimmtudag hefjast Butterfield Bermuda Championship á PGA-mótaröðinni og tvö mót í Suður-Kóreu: Genesis Championship á DP World Tour og BMW Ladies Championship á LPGA-mótaröðinni.