Veigar og Heiða Rakel bæði í 7. sæti eftir fyrsta hring

Veigar lék fyrri níu holurnar á Blackthorn-vellinum í Jonesborough í Tennessee á 32 höggum. Á hringnum fékk hann fimm fugla og einn skolla. Hann er fjórum höggum á eftir North Chery úr VCU, sem lék á 64 höggum, og jafn liðsfélaga sínum Erik Tjarnberg í 7. sæti af 93 keppendum. Lið hans, ETSU, heldur mótið.

Heiða Rakel, sem leikur með Grand Valley State í 2. deild, fékk skramb á 3. holu á Nemacolin í Farmington og lék á þremur höggum yfir pari. Báðum mótunum lýkur á miðvikudag.

Fjórir aðrir íslenskir háskólakylfingar léku 36 holur á mánudag og ljúka keppni í dag. Róbert Leó Arnórsson úr Manhattan er jafn í 22. sæti á Blue Hen Intercollegiate á þremur höggum yfir pari. Elsa Maren Steinarsdóttir úr Western Carolina lék fyrri hringinn á Edisto Island á 82 höggum, þar af eina holu á 11 höggum, en þann seinni á 70 og fór upp í 30. sæti. Sara Kristinsdóttir úr Catawba er jöfn í 28. sæti á UNCG Collegiate á tíu höggum yfir pari og Eva Kristinsdóttir úr Iowa er jöfn í 64. sæti á Route 66 Invitational á 13 höggum yfir pari.