Auður Bergrún níunda í Miami en Veigar aftarlega á Maui

Auður Bergrún, sem er á fyrsta ári við FIU, keppti utan liðs á heimamóti skólans á Miami Lakes-vellinum. Hún lék fyrstu tvo hringina á þremur og tveimur höggum yfir pari og þann síðasta á einu undir, samtals fjórum yfir. Þrjár deildu efsta sætinu á einu höggi undir pari. Arkansas State vann liðakeppnina. Hún varð efst kylfinga FIU, fjórum höggum á undan þeirri næstu.

Ka’anapali Classic á Maui hófst degi fyrr en til stóð vegna hitabeltisstorms sem stefndi á eyjarnar. Mótinu lauk með níu holum á þriðjudag. Veigar lék holurnar 54 á tólf höggum yfir pari. Lið hans, ETSU, varð í 11. sæti af 20. Oli Blackadder náði bestum árangri liðsmanna og varð jafn í 14. sæti. Georgia vann liðakeppnina, einu höggi á undan Clemson.