Tvö draumahögg hjá Oddi í Tyrklandi og LIV fær Mark King til starfa

Ágúst Valgeirsson og Oddný Hervör Jóhannsdóttir fóru holu í höggi á Gloria Old Course í Belek, hann á sunnudag og hún á mánudag. Ágúst hefur nú þrisvar farið holu í höggi en Oddný Hervör gerði það í fyrsta sinn.

LIV Golf tilkynnti í gær að Mark King myndi setja saman ráðgjafarráð LIV og verða formaður þess. King var 34 ár hjá TaylorMade og stýrði síðar Adidas í Norður-Ameríku og svo Taco Bell. Forsvarsmenn LIV segja að LIV Golf 2.0 sé enn á áætlun. Frestur kylfinga til að semja við LIV rennur út á föstudag.

• Dómari setti bráðabirgðalögbann á framkvæmdir á East Potomac í Washington. Trump segir að vellinum verði samt lokað 15. nóvember.
• Laura Frick verður mótsstjóri Ryder-bikarsins á Hazeltine árið 2029, fyrst kvenna úr röðum PGA of America.
• Maybank Championship á LPGA-mótaröðinni hefst í Kuala Lumpur í nótt. Á morgun hefjast Mexico Open á PGA-mótaröðinni og 2. stig úrtökumótsins fyrir DP World Tour á Spáni. Þar keppa Dagbjartur Sigurbrandsson, Ragnar Már Garðarsson og Sigurður Arnar Garðarsson.