GR í 5. sæti fyrir lokadag Evrópumóts golfklúbba

Annar keppnisdagurinn á Cabot Bordeaux var leikinn í rigningu og vindhviðum sem náðu 65 km/klst. GR deilir 5. sætinu með Golfclub am Habsberg frá Þýskalandi og Golf de Terre Blanche frá Frakklandi. Eindhovensche Golf frá Hollandi og Greensgate frá Tékklandi eru jöfn í 2. sæti á þremur yfir pari, fjórum höggum á undan GR. Smørum vann mótið í fyrra og er sex höggum á undan klúbbunum í 2. sæti.

Jóhann Frank Halldórsson, Böðvar Bragi Pálsson og Arnór Tjörvi Þórsson skipa sveit GR og tvö bestu skorin gilda hvern dag. Lokahringurinn er leikinn í dag. Mótið fór einnig fram á Cabot Bordeaux í fyrra og þá varð GR í 6. sæti.