Annar hringur hafinn í Kóreu og Hong Kong, Blanchet efstur á Bermúda

Casey Jarvis var á sex undir pari eftir fyrsta hring, höggi á undan Sanghun Shin. Mótið er það síðasta á DP World-mótaröðinni fyrir úrslitakeppnina, sem hefst í Abu Dhabi 5. nóvember.

• Chandler Blanchet lék á 62 höggum á Bermúda í gærkvöldi og fékk tvo erni á par 5-holum. Fjórir eru höggi á eftir, þeirra á meðal Corey Conners.
• Karis Davidson frá Ástralíu og Yuri Yoshida frá Japan eru efstar á sex undir pari á BMW Ladies Championship, LPGA-mótinu á Pine Beach Golf Links í Haenam. Ryu Hae-ran, þriðja á heimslistanum, er höggi á eftir. Kim Sei-young, sem á titil að verja, byrjaði á þremur skollum og lék á pari.
• Annar hringur er líka leikinn á Hong Kong Open, þar sem Anirban Lahiri og Kevin Yuan voru efstir á átta undir pari eftir fyrsta hring. Á Hero Women’s Indian Open var Chiara Tamburlini efst eftir fyrsta daginn.
• Félagar í Golfklúbbi Reykjavíkur geta svarað árlegri viðhorfskönnun klúbbsins til kl. 12 föstudaginn 30. október.
• Fimmtudaginn 29. október hefst 2. stig úrtökumóts DP World-mótaraðarinnar á Spáni. Þar keppa Dagbjartur Sigurbrandsson, Sigurður Arnar Garðarsson og Ragnar Már Garðarsson.