Haraldur Franklín einu höggi frá niðurskurðinum í Abu Dhabi

Haraldur Franklín Magnús var aðeins einu höggi frá því að komast í gegnum niðurskurðinn á Abu Dhabi Challenge, sem fram fór á Al Ain-vellinum í Sameinuðu arabísku furstadæmunum.

Haraldur lék fyrri hringinn á 71 höggi, þar sem hann fékk fjóra fugla og fimm skolla, og þann seinni á 70 höggum. Það dugði ekki til og hann lauk leik eftir tvo hringi.

Síðasta mótið fyrir lokamótin

Abu Dhabi Challenge var síðasta mót tímabilsins á HotelPlanner-mótaröðinni áður en lokamótin tvö fara fram í Kína. Þangað komast þeir 68 kylfingar sem standa efst á stigalista mótaraðarinnar.

Haraldur lék á 17 mótum á tímabilinu og komst í gegnum niðurskurðinn á átta þeirra. Besti árangur hans var á German Challenge í júlí, þar sem hann endaði jafn í 25. sæti á níu höggum undir pari.