Yamashita með tveggja högga forystu í Kóreu

Miyu Yamashita kom inn á 68 höggum, fjórum undir pari, á öðrum hring á New Korea Country Club og fékk engan skolla. Í gær var hún á 67 höggum og hefur nú tveggja högga forystu á mótinu, sem er hluti af LET-mótaröðinni.

Næstar koma Louise Rydqvist frá Svíþjóð, nýliði á mótaröðinni, og Sung Hyun Park frá Kóreu, sjö höggum undir pari. Park fékk örn á 17. holu með pútti utan flatar. Patricie Macková, sem var efst eftir fyrsta hring, deilir níunda sætinu með Hyo Joo Kim, sem hefur unnið mótið síðustu tvö ár.

Niðurskurðurinn miðaðist við eitt högg yfir pari og 66 kylfingar halda áfram. Þriðji hringur hefst í kvöld að íslenskum tíma og síðasti ráshópurinn fer af stað klukkan þrjú í nótt.