Yamashita vann í Kóreu eftir vallarmet á lokahringnum

Miyu Yamashita, sem var efst þegar mótið var hálfnað, lék síðustu 18 holurnar á New Korea Country Club á níu höggum undir pari og setti vallarmet. Hún fékk ekki einn einasta skolla alla fjóra hringina og endaði á 266 höggum.

Sara Kouskova frá Tékklandi lék einnig á 63 höggum og varð önnur á 19 höggum undir pari. Þetta er fjórði titill Yamashita á árinu og annar sigur hennar á Evrópumótaröð kvenna, en hinn vann hún á Opna breska meistaramóti kvenna í fyrra.