Ásdís Eva Bjarnadóttir

Ásdís Eva Bjarnadóttir

Ásdís Eva Bjarnadóttir ólst upp í Mosfellsbæ, í tveggja mínútna fjarlægð frá golfvelli Golfklúbbs Mosfellsbæjar, og golfið er fjölskylduíþrótt hjá henni. Í júní 2021 var hún í sveit GM-1 sem fékk silfur á Íslandsmóti golfklúbba í stúlknaflokki 15 ára og yngri. Ári síðar lék hún með sveit GM-2 sem varð í þriðja sæti í flokki 16 ára og yngri á Strandarvelli á Hellu.

Haustið 2025 hóf hún nám í viðskiptafræði við Newman-háskólann í Wichita, sem leikur í MIAA-deildinni í 2. deild bandaríska háskólagolfsins. Þá voru í fyrsta sinn þrír íslenskir kylfingar samtímis við skólann: hún, Halldór Viðar Gunnarsson og Tómas Hugi Ásgeirsson. Í viðtali við fréttavef skólans sagði hún að sá sem flytti utan neyddist til að standa á eigin fótum. Á fyrsta árinu lék hún 21 hring fyrir Newman og besti árangur hennar var 13. sæti á Hillcat Classic, á 22 höggum yfir pari.

Á öðru árinu hefur Ásdís Eva leikið í öllum fjórum mótum Newman á haustönninni. Í september varð hún jöfn í 71. sæti á Central Region Fall Preview í Blue Springs í Missouri og jöfn í 29. sæti á MSSU Fall Invite í Joplin, þar sem hún lék fyrri hringinn á 80 höggum. Á heimamóti Newman á Terradyne-vellinum í Andover lék hún seinni hringinn á sex höggum yfir pari, besta hring liðsins þann dag, og endaði í 78. sæti.

Haustinu lauk á Grace Shin Invitational í Edmond í Oklahoma 5.–6. október, þar sem Ásdís var efst í liði Newman, í 80. sæti á 20 höggum yfir pari. Liðið varð í 20. sæti. Ekki eru fleiri mót á haustdagskrá kvennaliðs Newman.