Abu Dhabi Championship: leik hætt ef neyðarviðvörun berst í síma

Leik á Yas Links verður hætt samstundis ef yfirvöld í furstadæmunum senda út neyðarviðvörun í farsíma. Merkið er langt flautuhljóð. Þegar það heyrist eiga kylfingar og kylfuberar að fylgja rýmingaráætlun vallarins og fara í klúbbhúsið. Þetta kemur fram í tilkynningu sem hangir uppi á vellinum og Brendan Porath hjá Fried Egg Golf birti á mánudag.

Umboðsmenn Roberts MacIntyre staðfestu að hann færi ekki til Abu Dhabi vegna stríðsins. Ellefu af 70 efstu mönnum Race to Dubai-listans sitja hjá. Þeirra á meðal eru Si Woo Kim, Justin Rose og Ryan Gerard, sem missa þar með af lokamótinu í Dubai 12.–15. nóvember, því þangað komast aðeins 50 efstu eftir mótið á Yas Links.

Talsmaður DP World Tour sagði við Front Office Sports á mánudag að undirbúningur lokamótsins væri á áætlun. Fyrsti hringurinn í Abu Dhabi verður leikinn á fimmtudag.