Lokahringur Bermuda Championship ekki leikinn í dag vegna roks

Rástímum á Port Royal-vellinum hafði verið flýtt vegna veðurspárinnar, sem gerði ráð fyrir hviðum allt að 22 metrum á sekúndu og skúrum síðdegis. Eftir nokkrar frestanir aflýsti dómaranefnd mótaraðarinnar leik dagsins áður en nokkur kylfingur fór af stað. Ákvörðun um framhaldið á að liggja fyrir í síðasta lagi kl. 20 að íslenskum tíma.

Power og Smotherman eru á 16 undir pari eftir þrjá hringi og Corey Conners, Taylor Moore og Ben Silverman eru tveimur höggum á eftir. Fimmtán kylfingar eru fimm höggum eða minna á eftir efstu mönnum. Mótið er það fimmta af átta á FedExCup Fall, haustlotu PGA-mótaraðarinnar.