Séamus Power og Austin Smotherman jafnir fyrir lokadaginn á Bermúda

Hvasst var á Port Royal-vellinum í dag og Power lék á 67 höggum. Það er lakasti hringur hans á mótinu en fyrstu tvo hringina lék hann á 66 og 64 höggum. Hann fékk fugla á 1., 3. og 10. holu og skolla á 13. holu. Á 14. holu fór teighöggið illa en hann sló ofan í af brautinni og fékk fugl. Fimmta fuglinn fékk hann á 17. holu. „Þetta var erfitt,“ sagði Power við The Irish Times. Hann býst við jafnhvössu veðri á morgun.

Smotherman vann fyrsta sigur sinn á mótaröðinni á Bank of Utah Championship í byrjun október. Taylor Moore, Corey Conners og Ben Silverman eru tveimur höggum á eftir þeim, á 14 undir pari.