Golfskálinn á Kiðjabergi lokaður en völlurinn enn opinn

Hefðbundinni starfsemi í golfskála Golfklúbbs Kiðjabergs er lokið þetta árið. Skálinn lokaði 1. október, um viku eftir að veitingasölunni var hætt, en Kiðjabergsvöllur er enn opinn til leiks, samkvæmt vef klúbbsins.

Rástíma þarf nú að bóka og greiða í GolfBox. Kylfingar staðfesta komu sína í Mitt Golf-appinu með því að skanna QR-kóða sem hangir í glugga skálans við innganginn. Klúbburinn ætlar að greina frá ástandi vallarins eftir því sem líður á haustið.