Úr klúbbunum: Ný glompa í Mosfellsbæ, golfbílabann á Kiðjabergi og Oddur í hermana

Starfsmenn Golfklúbbs Mosfellsbæjar vinna þessa dagana að því að endurbyggja flatarglompuna við 13. flöt. Klúbburinn birti myndir af verkinu á Facebook-síðu sinni í dag.

Golfklúbburinn Oddur hefur samið við golfhermastaðinn Sweet Spot í Miðhrauni í Garðabæ um aðstöðu fyrir stóran hluta barna- og unglingastarfsins. Æfingarnar hefjast í nóvember og fara fram á virkum dögum milli kl. 15 og 18 fram á vor. Urriðavöllur og Ljúflingur eru enn opnir, samkvæmt vef klúbbsins.

Golfbílar mega ekki fara út á Kiðjabergsvöll í bili vegna rigninga og bleytu, samkvæmt Facebook-síðu Golfklúbbs Kiðjabergs. Völlurinn er áfram opinn, en klúbburinn ítrekar að allir sem leika hann eigi bókaðan rástíma í GolfBox. Þeir sem spila án skráningar verða beðnir að yfirgefa völlinn. Klúbburinn lætur vita þegar golfbílaumferð verður leyfð á ný.