Úr klúbbunum: Vetrarnámskeið í golfhermum í Eyjum og eldhúsi lokað á Urriðavelli

Golfklúbbur Vestmannaeyja kynnti á Facebook-síðu sinni tvö námskeið í golfhermum hjá Jóni Valgarð, PGA-golfkennara. Byrjendanámskeiðið er á mánudögum og miðvikudögum frá 12. október og komast mest fjórir að í hverjum tíma. Námskeiðið fyrir lengra komna er á þriðjudögum og fimmtudögum frá 13. október. Hvort námskeið er sex skipti og kostar 30.000 kr. Kennt er kl. 17–18 eða 18–19.

Á Urriðavelli hefur hOla Mathús lokað eldhúsinu, samkvæmt vef Golfklúbbsins Odds. Næstu vikur verður þó hægt að kaupa kaffi og aðra drykki í skálanum. Urriðavöllur og Ljúflingur eru enn opnir. Jólahlaðborð veitingastaðarins hefjast í nóvember.