Róbert Leó jafn í 26. sæti á Blue Hen Intercollegiate

Róbert Leó lék fyrsta hringinn á Wyncote-vellinum á pari en hina tvo á þremur höggum yfir pari hvorn. Liðsfélagi hans, Akshay Mandadapu, varð jafn í 3. sæti á fjórum höggum undir pari og Manhattan varð í 6. sæti í liðakeppninni. Pietro Maria Piccoli úr Fairleigh Dickinson sigraði á 11 höggum undir pari, sex höggum á undan næsta manni.

Elsa Maren Steinarsdóttir úr Western Carolina varð jöfn í 28. sæti á Edisto Island Invitational í Suður-Karólínu á 14 höggum yfir pari og lið hennar í 10. sæti. Sara Kristinsdóttir úr Catawba lék á sama skori á UNCG Collegiate í Greensboro í Norður-Karólínu og varð jöfn í 27. sæti. Catawba varð í 5. sæti í liðakeppninni.

Eva Kristinsdóttir, nýliði í liði Iowa, lék lokahringinn á Route 66 Invitational í Oklahoma á tveimur höggum yfir pari, sem var besti hringur hennar á mótinu. Hún fór úr 64. sæti og varð jöfn í 49. sæti á 15 höggum yfir pari. Viku fyrr varð hún í 7. sæti á Medinah-vellinum í Illinois og setti tvö skólamet.