Casandra Alexander efst á Wistron Ladies Open í Taívan

Alexander, sem er frá Suður-Afríku, fékk sex fugla á Sunrise-vellinum við Taoyuan og setti niður arnarpútt á lokaholu sinni. Hún sagði vindinn hafa verið tvöfalt hvassari á efri hluta vallarins en neðar. Heimakonan Cheng-Hsuan Shih, sem vann mótið árið 2020, er önnur á sex undir pari. Sex kylfingar eru jafnir í þriðja sæti á fimm undir, þeirra á meðal Helen Briem frá Þýskalandi og Englendingarnir Alice Hewson og Hannah Screen. Yani Tseng, sem vann í fyrra, er ein tíu kylfinga sem eru jafnir í 10. sæti.

Annar hringur hefst klukkan 22.20 í kvöld að íslenskum tíma. Að honum loknum komast 60 efstu atvinnukylfingarnir og þeir sem eru jafnir þeim gegnum niðurskurðinn.