Dagbjartur, Ragnar Már og Sigurður Arnar hefja leik á Spáni í dag

Dagbjartur Sigurbrandsson og Ragnar Már Garðarsson leika á Isla Canela Links við Huelva og Sigurður Arnar Garðarsson á Fontanals-vellinum í Girona. Leiknar eru 72 holur fram á sunnudag og enginn niðurskurður er. Um 23–24 efstu kylfingarnir á hverjum velli og þeir sem verða jafnir þeim komast á lokastigið í Tarragona 6.–11. nóvember. Þar verður keppt um 15 keppnisrétti á DP World Tour, fimm færri en í fyrra.

• Dómsmálaráðuneytið staðfesti í gærkvöld að East Potomac-vellinum í Washington verði lokað 15. nóvember. Teikning Toms Fazio af nýjum velli verður lögð fyrir skipulagsnefnd á morgun og sama dag á aðstoðardómsmálaráðherrann að koma fyrir Önu Reyes dómara.
• Frestur kylfinga til að semja við LIV Golf 2.0 rennur út á morgun. Samkvæmt gögnum úr gjaldþrotamálinu, sem Golf Monthly greinir frá, ætlar sádiarabíski fjárfestingarsjóðurinn PIF að hefja slit mótaraðarinnar ef ekki hefur verið samið fyrir þann tíma.
• Lokamót HotelPlanner-mótaraðarinnar hefst í dag á Alcanada-vellinum á Mallorca. Þar keppa 45 efstu menn stigalistans og 15 þeirra fá keppnisrétt á DP World Tour.
• Mexico Open á PGA-mótaröðinni hefst einnig í dag og fyrsti hringur Maybank Championship á LPGA-mótaröðinni er hafinn í Kuala Lumpur.