Adelaide gæti hætt við LIV-mótið ef stjörnurnar fara

„Það skiptir okkur miklu að þeir haldi kylfingum á borð við Cam Smith og Bryson DeChambeau,“ sagði Malinauskas í viðtali við útvarpsstöðina SEN. Hann segir forsvarsmenn LIV fullyrða að ekkert standi í vegi fyrir því að mótið verði haldið aftur í Adelaide, en fylkisstjórnin viti það ekki með vissu fyrr en eftir tvær til þrjár vikur.

LIV-mót hefur verið haldið í Adelaide frá árinu 2023. Í ár mættu 115.000 áhorfendur, fleiri en á nokkurt annað golfmót í sögu Ástralíu, að sögn Scotts O’Neils, framkvæmdastjóra deildarinnar. Cameron Smith hefur ekki sagt opinberlega hvort hann semji aftur við LIV. Kylfingarnir hafa frest fram á föstudag til að semja við LIV Golf 2.0.