LIV Golf 2.0 sagt hafa vilyrði frá um 15 kylfingum

Aðeins fjórir hafa staðfest opinberlega að þeir haldi áfram: Richard Bland, Cameron Tringale, Brendan Steele og Ben Campbell. Bryson DeChambeau og Cameron Smith hafa ekki greint frá áformum sínum, en Jon Rahm, Tyrrell Hatton og fleiri en tólf aðrir hafa sagt skilið við deildina. Fresturinn, sem átti að renna út í dag, var skilyrði fyrir því að deildin fengi fyrstu fjórar milljónir dala af láni sem hún fær í greiðsluskjóli.

Einhverjir úr hópi Dustins Johnsons gætu bæst við síðar í vikunni ef samkomulag næst um eldri samninga þeirra, að sögn Golfweek. BC Partners gerir ráð fyrir tíu mótum árið 2027, fimm í Bandaríkjunum og fimm annars staðar. Kylfingarnir eiga jafnframt að eignast hlut í deildinni. Fjárfestingarsjóður Sádi-Arabíu, PIF, er eini lánveitandi LIV og hefur sagst ætla að hefja slit deildarinnar ef ekki næst samkomulag fyrir 30. október.