Fifa Laopakdee með þriggja högga forystu á Asia-Pacific Amateur

Laopakdee fékk meðal annars örn á 9. holu og lék á átta undir pari. Hann lék síðdegis á suðurvellinum á Te Arai, norður af Auckland, þegar hvassara var orðið og vindhviður fóru yfir 13 metra á sekúndu. Heimamaðurinn Joshua Bai er annar á 66 höggum og landar hans, Ryan Xie og Cooper Moore, á 67. Keppendur eru 120 frá 39 löndum.

Aðeins Hideki Matsuyama hefur unnið mótið tvö ár í röð, árin 2010 og 2011. Laopakdee vann í Dúbaí í fyrra eftir bráðabana og í apríl varð hann fyrstur taílenskra áhugakylfinga til að leika á Masters-mótinu. Hann lék á 80 og 75 höggum og komst ekki gegnum niðurskurðinn.