Andrea Bergsdóttir höggi frá niðurskurðinum í Vidago

Andrea lék fyrsta hringinn á 73 höggum og var jöfn í 38. sæti. Hún lauk keppni á 149 höggum, fimm höggum yfir pari. Niðurskurðurinn var við +4 og níu kylfingar á +5, Andrea þar á meðal, sátu eftir. Ragnhildur lék hringina á 74 og 78 höggum og varð jöfn í 66. sæti á +8.

Hvorug fær stig í Portúgal. Ragnhildur var í 18. sæti stigalista LET Access fyrir mótið og Andrea í 20. sæti. Kylfingar í 8.–32. sæti fá beinan keppnisrétt á lokaúrtökumóti LET. Tvö mót eru eftir af tímabilinu. Hulda Clara Gestsdóttir komst ein Íslendinganna áfram og leikur lokahringinn á fimmtudag.