Hulda Clara Gestsdóttir leikur lokahringinn í Vidago

Hulda Clara lék fjórum höggum betur en á fyrsta hring og er samtals á fjórum höggum yfir pari. Alls komust 49 af 84 keppendum áfram. Lorna McClymont frá Skotlandi lék á 65 höggum án skolla og er efst á níu höggum undir pari, þremur höggum á undan Tiffany Arafi frá Sviss.

Fyrir mótið var Hulda Clara í 9. sæti stigalista LET Access, 135,5 stigum á eftir kylfingnum í 7. sæti, en sjö efstu fá keppnisrétt á LET-mótaröðinni 2027. Sigurvegarinn fær 500 stig og 8.000 evrur. McClymont er í 30. sæti listans og gæti með sigri komist upp í 8. sæti.

Lokahringurinn hefst kl. 8 að íslenskum tíma á fimmtudag.