Hulda Clara sjö höggum á eftir keppinautnum um LET-sætið

Hulda Clara lék 2. holu Vidago Palace-vallarins, sem er par 5, á sjö höggum og var á þremur höggum yfir pari eftir fyrri níu holurnar. Fuglarnir urðu þrír, sá síðasti á 17. holu. Fyrir mótið munaði 135,5 stigum á henni og De Bochdanovits, sem er í 7. sæti stigalista LET Access. Að mótinu í Vidago loknu verða tvö mót eftir af tímabilinu.

Andrea Bergsdóttir lék best Íslendinganna, á 73 höggum. Hún var á 40 höggum eftir fyrri níu en fékk þrjá fugla á seinni níu, á 13., 14. og 17. holu. Jessica Hall frá Englandi, sem var í ráshópi með Andreu, lék á 67 höggum. Billie-Jo Smith, einnig frá Englandi, var efst á sex höggum undir pari þegar hún átti þrjár holur eftir. Ragnhildur Kristinsdóttir byrjaði á 10. teig og lauk leik á 74 höggum. Hún fékk fjóra fugla en lék 14. holu á tveimur höggum yfir pari.

Annar hringur er leikinn á miðvikudag. Hulda Clara hefur þá leik á 10. teig kl. 10:20 að íslenskum tíma, Andrea á sama teig kl. 10:31 og Ragnhildur á 1. teig kl. 10:31.