Golf Channel Games: lið McIlroys og Schefflers mætast 16. desember

Með Rory McIlroy leika Matt Fitzpatrick, Si Woo Kim og Haotong Li, en í liði Scotties Schefflers eru Chris Gotterup, Michael Brennan og Jackson Koivun. McIlroy, Scheffler og Li voru allir með þegar keppnin var haldin í fyrsta sinn í fyrra.

Leikið verður við flóðljós og hefst keppnin á miðnætti að íslenskum tíma, aðfaranótt 17. desember. Fjórtán kylfna þrautin og boðhlaup liðanna frá því í fyrra verða aftur á dagskrá, auk nýrra greina sem hafa ekki enn verið kynntar. Sýnt verður frá keppninni á Golf Channel og USA Network.