Sumarflatir aftur í Hveragerði og golfbílar leyfðir á Jaðarsvelli

Aftur er leikið inn á sumarflatir á Gufudalsvelli í Hveragerði. Vallarstjóri Golfklúbbs Hveragerðis tilkynnti þetta á Facebook-síðu klúbbsins föstudaginn 30. október og vitnaði í Stellu í orlofi: „Vegna óvenju góðra veðurskilyrða.“ Völlurinn hafði verið færður á vetrarflatir og fer aftur á þær þegar kólnar.

Golfbílar mega á ný aka um Jaðarsvöll á Akureyri. Golfklúbbur Akureyrar bannaði þá í síðustu viku vegna bleytu en aflétti banninu mánudaginn 2. nóvember. Ökumenn eru beðnir að halda sig á stígum eða í karganum utan brauta.

Hlíðavöllur í Mosfellsbæ var opnaður aftur 28. október þegar hlýnaði. Golfklúbbur Mosfellsbæjar segir að veðrið ráði því hve lengi hann verður opinn.

Aðalfundur Golfklúbbs Hellu verður í golfskálanum á Strönd fimmtudaginn 19. nóvember kl. 20. Á dagskrá eru venjuleg aðalfundarstörf, þar á meðal kosningar og inntaka nýrra félaga.