Ólafur Marel kominn í fullt starf hjá Nesklúbbnum

Ólafur Marel Árnason er kominn í fullt starf hjá Nesklúbbnum. Hann hefur verið í þjálfarateymi klúbbsins síðustu tvö ár og er einn besti kylfingur hans. Í vetur sér hann um unglinga á aldrinum 13–18 ára og Stubbagolfið fyrir leikskólabörn. Jóhanna Lea, fyrrverandi klúbbmeistari Nesklúbbsins og landsliðskylfingur, tekur að sér stelpuhópana. Klúbburinn segist vilja fá fleiri stelpur til að æfa og koma hennar sé liður í því.

Síðasta vetur æfðu um 180 börn og unglingar hjá Nesklúbbnum og klúbburinn gerir ráð fyrir að þau verði fleiri en 200 í vetur. Því var verkum þjálfaranna skipt upp á nýtt þegar vetraræfingar hófust í lok október.

Guðmundur Örn Árnason þjálfar börn 12 ára og yngri. Steinn Baugur Gunnarsson íþróttastjóri hefur yfirumsjón með þjálfuninni, þjálfar afrekshópinn og meistaraflokkinn og sinnir keppniskylfingum í einkaþjálfun. Ungir kylfingar úr starfinu sem hafa leiðbeint á golfleikjanámskeiðum klúbbsins verða aðstoðarþjálfarar í vetur.