Abu Dhabi Championship: McIlroy, Reed og Chacarra fara síðastir út

Á fyrsta hring á Yas Links er raðað í holl í öfugri röð stigalistans og er það í fyrsta sinn sem sá háttur er hafður á mótinu. Sam Bairstow og Jordan Gumberg fara fyrstir út kl. 03:19 að íslenskum tíma. Aaron Rai, sem á titil að verja, fer út kl. 07:39 í næstsíðasta hollinu ásamt Casey Jarvis og Daniel Hillier.

Jon Rahm keppir í fyrsta sinn á Yas Links og fer út með Matt Wallace og Ewen Ferguson kl. 05:01. Tommy Fleetwood, sem lék með Pep Guardiola í pro-am-keppninni á miðvikudag, byrjar kl. 06:28.

Tyrrell Hatton, sem sagði skilið við LIV í október, leikur með Joost Luiten og Victor Perez kl. 04:50. Perez lék með Cleeks GC í LIV í ár en hefur ekki ákveðið hvar hann leikur árið 2027. Hann segist hafa leitað sér lögfræðiráðgjafar áður en hann tekur ákvörðun.