Nesvöllur aðeins opinn félagsmönnum Nesklúbbsins

Vallarnefnd Nesklúbbsins tilkynnti breytinguna á mánudag. Vegna mildrar tíðar er hægt að hafa völlinn opinn, en nefndin segir að hve lengi það gangi sé ekki síst undir félagsmönnum komið, til dæmis hvort þeir geri við boltaför á flötunum.

Teigmerkin á 2. og 4. holu hafa verið færð og þar er leikið af sumarteigunum en ekki fremri teigum. Með skráningu rástíma sér nefndin hve margir leika og hve mikið álag er á vellinum og eftir því ákveður hún hve lengi verður leikið inn á sumarflatir.

Aðalfundur Nesklúbbsins verður þriðjudaginn 24. nóvember.