Formannafundur GSÍ á Akureyri: framkvæmdastjóri Scottish Golf með erindi

Formenn golfklúbba landsins hittast í golfskálanum við Jaðarsvöll, heimavöll Golfklúbbs Akureyrar, kl. 10 á laugardag. Golfsamband Íslands fer þar yfir rekstur, fjármál og afreksstefnu sambandsins. Á dagskránni eru einnig gagnagreining í golfhreyfingunni, mótahald og framtíð vallarumhirðu.

Robbie Clyde, framkvæmdastjóri Scottish Golf, segir frá starfi Skota síðustu ár, meðal annars Open Play-verkefninu, nýliðun og afreksstarfi. Síðasti liður dagskrárinnar fjallar um gildi golfsins fyrir heilsu og vellíðan Íslendinga. Fundinum á að ljúka síðdegis.