Antoine Rozner náði Casey Jarvis á Genesis Championship

Rozner hefur ekki fengið skolla á mótinu í Cheonan. Á öðrum hringnum hóf hann leik á 10. teig, setti niður um 13 metra langt pútt fyrir fugli á 13. holu og fékk einnig fugla á 16. og 18. holu og svo á 5., 7. og 8. holu. Hann er í 77. sæti Race to Dubai-listans og þarf að komast í hóp 50 efstu til að leika á báðum mótum úrslitakeppninnar. Jarvis lék á 67 höggum, líka án skolla, og fékk fjóra fugla, á 17., 18., 3. og 4. holu. Ryan Fox, Martin Couvra, Sanghun Shin og Filippo Celli eru þremur höggum á eftir.

Á mótinu ræðst hverjir halda keppnisrétti á DP World-mótaröðinni, en hann fá 100 efstu á stigalistanum. Sebastian Söderberg var í 101. sæti fyrir mótið, komst ekki í gegnum niðurskurðinn á einu höggi yfir pari og fellur að líkindum niður í 103. sæti. Pablo Larrazabal missir einnig keppnisrétt sinn og ætlar á úrtökumótið í nóvember. Dagbjartur Sigurbrandsson, Sigurður Arnar Garðarsson og Ragnar Már Garðarsson keppa líka á úrtökumótinu og hefja leik á 2. stigi þess á Spáni 29. október.