Úrtökumótið hálfnað hjá Dagbjarti, Ragnari Má og Sigurði Arnari

Tuttugu efstu á hvorum velli komast á lokastigið í Tarragona. Eftir tvo hringi af fjórum miðast 20. sætið á Isla Canela Links, þar sem Dagbjartur og Ragnar Már leika, við sjö undir pari. Á Fontanals-vellinum í Girona, þar sem Sigurður Arnar leikur, miðast það við fjögur undir pari. Philipp Macionga frá Þýskalandi er efstur á Isla Canela og Anthony Quayle frá Ástralíu á Fontanals, báðir á 13 undir pari.

• Andrew Novak lék á 61 höggi á Mexico Open og er þremur höggum á undan fimm kylfingum. Tom Kim og Brian Campbell fengu víti fyrir að slá bolta hvor annars úr sömu glompunni.
• Zack Swanwick frá Nýja-Sjálandi lék þriðja hringinn á Asia-Pacific Amateur á 67 höggum og er tveimur höggum á undan Fifa Laopakdee, sem vann mótið í fyrra, og Cooper Moore. Nýsjálendingur hefur aldrei unnið mótið. Sigurvegarinn fær boð á Masters-mótið og Opna breska meistaramótið.
• Þriðji hringur Maybank Championship stendur yfir í Kuala Lumpur. Miyu Yamashita var efst eftir tvo hringi á 13 undir pari, tveimur höggum á undan Juliu López Ramírez og Pauline Roussin-Bouchard.
• Julien Sale er efstur fyrir þriðja hring lokamóts HotelPlanner-mótaraðarinnar á Mallorca.
• Birna Rut Snorradóttir leikur lokahringinn á Western Cup í Illinois í dag. Hún var jöfn í 10. sæti eftir fyrsta hring.