Rick Shiels dró sjö milljóna dala kröfu á hendur LIV Golf til baka

Krafan hljóðaði upp á 7.040.700 dali og var skráð númer 21 í máli LIV fyrir gjaldþrotadómstólnum í New Jersey. Afturköllunin er dagsett 20. október og engin ástæða er gefin fyrir henni, að því er fram kom hjá EssentiallySports í dag. Ekki kemur fram á hverju krafan byggðist og hvorki Shiels né lögmaður hans hafa tjáð sig um málið.

Krafan kom til viðbótar þeim 1.398.300 dölum sem LIV skráði sjálft sem skuld við Rick Shiels Media vegna samstarfssamnings þegar deildin óskaði eftir greiðsluskjóli 8. september. Fyrirtækið var þar með 16. á lista yfir ótryggða kröfuhafa, eins og fram kom í svipmynd Golfsins af Shiels.

Frestur BC Partners til að ganga frá samningi um LIV Golf 2.0 rann út í dag. Náist ekki samningur getur PIF, sem er orðinn stærsti lánardrottinn deildarinnar, farið fram á að henni verði slitið. Í kvöld hafði engin niðurstaða verið tilkynnt.