Dagbjartur, Ragnar Már og Sigurður Arnar á lokahring 2. stigs úrtökumótsins

Dagbjartur og Ragnar Már leika á Isla Canela Links í Huelva en Sigurður Arnar á Fontanals-vellinum í Girona. Lokastigið hefst á Infinitum-vellinum í Tarragona á föstudag. Þar verða leiknir sex hringir um keppnisrétt á DP World Tour 2027.

• Andrew Novak lék þriðja hringinn á Mexico Open á 62 höggum án skolla og er samtals 23 höggum undir pari, sex höggum á undan Matthieu Pavon frá Frakklandi. Á föstudag jafnaði hann mótsmetið með 61 höggi. Nú er hann á 190 höggum eftir 54 holur, sem er met á Vidanta Vallarta, og enginn hefur haft jafnmikið forskot þar fyrir lokadaginn. Fyrri metin áttu Aldrich Potgieter og Jake Knapp.
• Fifa Laopakdee varði titilinn á Asia-Pacific Amateur á Nýja-Sjálandi í nótt. Zack Swanwick, sem var efstur fyrir lokahringinn, lék 11. holuna á sjö höggum.
• Lokahringurinn á Maybank Championship stendur yfir í Kuala Lumpur. Miyu Yamashita var 18 höggum undir pari fyrir hringinn, tveimur höggum á undan Yan Liu og Pauline Roussin-Bouchard.
• Ching Huang hafði eins höggs forskot á Casöndru Alexander fyrir lokadaginn á Wistron Ladies Open í Taívan.
• Í dag ræðst á Alcanada á Mallorca hvaða 15 kylfingar fá keppnisrétt á DP World Tour í gegnum stigalista HotelPlanner-mótaraðarinnar. Julien Sale hefur eins höggs forskot á þrjá kylfinga fyrir lokahringinn á Grand Final.